ПЕРСОНАЛЬНЫЕ - Янка Маўр

Барсток, М. М.  Віднейшы беларускі дзіцячы пісьменнік Янка Маўр / М. М. Барсток. — Мінск : Таварыства па распаўсюджванню палітычных i навуковых ведаў Беларускай ССР, 1958. — 32 с.

У сваіх навукова-папулярных і навукова-прыгодніцкіх аповесцях і раманах Я. Маўр выкарыстоўвае розны навуковы матэрыял з геаграфіі, этнаграфіі, гісторыі, заалогіі, батанікі. У некаторых яго кнігах канкрэтная навуковая ідэя займае такое вялікае месца, што ледзьве не ператвараеццаў галоўнага героя ("Чалавек ідзе"), кіруе жаданнямі і паводзінамі дзеючых асоб, дапамагае ім прайсді праз многія выпрабаванні, загартаваць у барацьбе з цяжкасцямі свой характар ("Палескія рабінзоны"). Гэтая навуковая ідэя садзейнічае найбольш глыбокаму асвятленню грамадскіх канфліктаў, сацыяльных праблем, чалавечых характараў.
Творы Я. Маўра змястоўныя і займальныя, таму іх любяць юныя і дарослыя чытачы. Яны паказваюць чалавека ў дзеянні, у барацьбе. У іх удала спалучаюцца канкрэтны навуковы матэрыял, дэталі быту, рэалістычныя партрэты герояў з палётам. фантазіі, з высокай чалавечай маралі пісьменніка-гуманіста.

Гурэвіч, Э. С. Беларуская дзіцячая літаратура (1917–1967) / Э. С. Гурэвіч. — Мінск : Навука і тэхніка, 1970. — 312 с.

Задача выхавання юнага пакалення — жыццёва важная для кожнага грамадства; лёс яго, яго будучыня і вырашаецца ўрэшце станам, характарам выхавання.
У гэтай кнізе прасочваецца развіццё беларускай савецкай літаратуры для дзяцей, раскрываюцца яе ідэйна-тэматычная і жанрава-стылёвая своеасаблівасці, роля ў выхаванні юнага пакалення.
Бібліяграфія ў падрадковых зносках.

Гурэвіч, Э. С. Янка Маўр : нарыс жыцця і творчасці / Э. С. Гурэвіч ; рэдактар П. К. Дзюбайла ; прадмова 3. У. Драздовай. – 2-е выданне, дапоўненнае. — Мінск : Беларуская навука, 2004. — 150 с.

Упершыню выданне выйшла ў 1983 г.
У кнізе прасочваецца жыццёвы і творчы шлях класіка беларускай дзіцячай літаратуры, раскрываецца своеасаблівасць яго твораў, іх месца ў агульналітаратурным працэсе, а таксама роля і значэнне пісьменніка ў развіцці беларускай літаратуры.
Разлічана на літаратуразнаўцаў, студэнтаў, настаўнікаў сярэдніх школ і ўсіх, хто цікавіцца праблемамі дзіцячай і юнацкай літаратуры.

Рунец, П. Чалавек з крылатай  фантазіяй / Пятро Рунец. — Мінск : Народная асвета, 1979. – 64 с. : іл.

У кнізе прыгадваюцца цікавыя эпізоды з жыцця і творчай дзейнасці Янкі Маўра. Яны дапамагаюць уявіць вобраз пісьменніка — чалавека мудрага і дасведчанага, уважлівага і чулага да людзей.
Прызначана дзецям сярэдняга і старэйшага ўзросту.

Яфімава, М. Б. Цэлы свет — дзецям : творчы партрэт Янкі Maўpa / М. Б. Яфімава. — Мінск : Выдавецтва БДУ імя У. І. Леніна, 1983. — 136 с. : іл.

У кнізе разглядаецца творчасць аднаго з заснавальнікаў і выдатных прадстаўнікоў беларускай дзіцячай літаратуры. Даследуецца праблема наватарскіх пошукаў пісьменніка, ідэйна-мастацкай і педагагічнай вартасці яго твораў, узнімаецца пытанне аб развіцці маўраўскіх традыцый у сучаснай беларускай дзіцячай літаратуры.
Адрасавана студэнтам ВНУ і тэхнікумаў, настаўнікам агульнаадукацыйных школ, шырокаму колу чытачоў.

Яфімава, М. Б. Янка Маўр: (жыцце і творчасць) / М. Б. Яфімава. — Мінск : Дзяржаўнае выдавецтва БССР, 1960. — 128 с.

Янка Маўр па праву лічыцца заснавальнікам беларускай савецкай літаратуры для дзяцей. На яго шматлікіх творах юныя чытачы і сёння вучацца быць смелымі, мужнымі і прынцыповымі, вучацца паважаць чалавека працы, горача  любіць сваю Радзіму і ненавідзець яе ворагаў.
Глыбіня думкі і высокая ідэйнасць апавяданняў і аповесцей Янкі Маўра спалучаюцца з захапляючай мастацкай формай. Яго кнігі з цікавасцю чытаюцца не толькі дзецьмі, але і дарослымі, і на сённяшні дзень яны займаюць належнае месца сярод лепшых здабыткаў беларускай дзіцячай літаратуры.