СТРУКТУРА - ІНФАРМАЦЫЙНА-ДАВЕДАЧНЫ АДДЗЕЛ. МІЖБІБЛІЯТЭЧНЫ АБАНЕМЕНТ

+375 222 655078

spravka@library.mogilev.by

Аддзел інфармацыйна-бібліяграфічнай работы ажыццяўляе даведачна-бібліяграфічнае, інфармацыйнае і кансультацыйнае абслугоўванне чытачоў.
Асноўныя задачы аддзела:

• арганізацыя работы, накіраванай на аператыўны, якасны запіс і перарэгістрацыю чытачоў бібліятэкі;
• азнаямленне чытачоў з унутрыбібліятэчнымі дакументамі, з пералікам платных паслуг, якія прадстаўляюцца бібліятэкай;
• даведачна-бібліяграфічнае і інфармацыйнае абслугоўванне ў адпаведнасці з запытамі чытачоў бібліятэкі;
• стварэнне даведачна-бібліяграфічнага апарата бібліятэкі, у тым ліку баз даных і іншых інфармацыйных рэсурсаў;
• каардынаванне работы міжбібліятэчнага абанемента ўсіх бібліятэк вобласці, незалежна ад іх ведамаснай прыналежнасці;
• аказанне метадычнай і кансультацыйнай дапамогі ў рабоце МБА бібліятэк вобласці;
• задавальненне заказаў абанентаў з фондаў сваёй бібліятэкі або перанакіроўванне іх згодна з тэматыкай у галіновыя цэнтры МБА вобласці, краіны;
У аддзеле сканцэнтраваны асноўны даведачна-бібліяграфічны апарат абласной бібліятэкі. Уся літаратура, якая паступае ў бібліятэку, адлюстроўваецца ў алфавітным, сістэматычным, электронным каталогах, сістэматычнай картатэцы артыкулаў.

Для працы з электронным каталогам у аддзеле ўстаноўлены аўтаматызаваныя працоўныя месцы. Увазе карыстальнікаў прапануюцца базы даных уласнай генерацыі: "Кнігі", "Артыкулы палітэматычныя", "Краязнаўства", "Мастацтва", "Электронныя дакументы", "Замежная літаратура", "Падпісныя выданні".

У аддзеле сфарміраваны фонд, які ўключае каля 4000 кніг (універсальныя і галіновыя энцыклапедыі, тэрміналагічныя, моўныя слоўнікі і даведнікі, аўдыёвізуальныя і электронныя дакументы, інфармацыйныя і бібліяграфічныя матэрыялы).
З 2008 г. на базе аддзела функцыянуе Віртуальная чытальная зала, у якой чытачы маюць магчымасць атрымаць доступ да ЭБС "БібліяРосіка" (на працягу 2022 г.).
Аддзел паспяхова рэалізуе праект па фарміраванні інфармацыйнай культуры навучэнцаў агульнаадукацыйных устаноў г. Магілёва на 2020–2023 гг. "Подросток в информационной среде". Для раскрыцця інфармацыйных магчымасцей і рэсурсаў бібліятэкі бібліёграфы аддзела складаюць актуальныя праблемна-арыентаваныя тэматычныя паказальнікі і бібліяграфічныя спісы літаратуры (раздзел сайта "Нашы выданні"), ствараюць краязнаўчыя фактаграфічныя базы даных ("Афганістан – наша памяць і боль", "Гастранамічны турызм"), вядуць на сайце рубрыкі "Бібліятэка ў СМІ", "Новыя паступленні".

Аддзел аказвае дадатковыя паслугі. Сярод іх: складанне, афармленне, рэдагаванне бібліяграфічных спісаў, выкананне тэматычнай даведкі, якая патрабуе складанага бібліяграфічнага пошуку.
З 2017 г. аддзел выконвае функцыі МБА.

Дзейнасць МБА ажыццяўляецца ў адпаведнасці з "Правіламі карыстання міжбібліятэчным абанементам". Абслугоўванне іншагародніх абанентаў (бібліятэк) ажыццяўляецца бясплатна. Падставай для адкрыцця абанемента і атрымання літаратуры з'яўляецца запоўнены бланк-заказ, падпісаны асобай, адказнай за работу МБА і завераны штампам бібліятэкі. Абслугоўванне гарадскіх бібліятэк-абанентаў вядзецца платна на падставе заключэння дагавораў і ўнясення перадаплаты.

Па МБА выдаюцца (без уліку часу на перасылку):
• кнігі – на 30 дзён;
• часопісы – на 15 дзён;
• дакументы, якія карыстаюцца падвышаным попытам – на 10 дзён.
Не выдаюцца па МБА:
• адзіныя экзэмпляры кніг з фонду бібліятэкі;
• слоўнікі, даведнікі, энцыклапедыі;
• газеты;
• часопісы трох апошніх гадоў выдання;
• аўдыёвізуальныя дакументы;
• рэдкія і каштоўныя дакументы.

Фрагменты артыкулаў і матэрыялаў выданняў, якія не належаць выдачы па МБА, могуць быць адкапіраваны і дасланы абаненту платна.
Для людзей з паслабленым зрокам у аддзеле працуе тыфлакуток. Спецыяльнае абсталяванне ўключае: відэапавелічальнік ONYX Deskset HD, машынка "SARA СЕ", якая чытае, а таксама камп'ютар з праграмай экраннага доступу JAWS for Windows, прызначанае для тых, хто не можа ўспрымаць інфармацыю вачамі. Тэхніка дае магчымасць людзям з паслабленым зрокам чытаць кнігі і перыядычныя выданні з дапамогай сінтэзу гаворкі або значнага павелічэння малюнка, працаваць на персанальным камп'ютары, атрымліваць доступ да каталога і электронных рэсурсаў бібліятэкі, карыстацца фондам на электронных носьбітах, а таксама праслухоўваць аўдыякнігі.

У аддзеле прадстаўлены аўдыёкнігі з творамі рускіх і замежных пісьменнікаў, сучасная проза і паэзія.